Curso académico 2018 – 2019

O próximo día 3 de setembro farase público o programa formativo e de actividades a desenvolver durante o curso académico 2018 – 2019. Avanzamos a seguinte información:

13 de setembro. Presentación da actividade teatral na sala Roberto Vidal Bolaño ás 19,00 horas. Xornada de portas abertas para coñecer o espazo de traballo e resolver calquera dúbida

17 e 18 de setembro. Probas de acceso á compañía de teatro e á escola na sala Roberto Vidal Bolaño desde ás 18,00 horas

1 de outubro. Inicio das clases na escola de teatro

Publicado en Uncategorized | 3 Comentarios

Final de curso académico 2017 – 18. Compañía de teatro

 

 

O 30 de novembro de 2017 estreamos  “Pasar por Nida” no Teatro Principal de Santiago de Compostela,  traballo que presentamos en diferentes festivais de Lugo, Vigo, Ourense, Vedra, Andalucía, Portugal e Lituania.

Tivemos a honra de recibir os premios do Xurado e do Público na  Mostra Internacional de Teatro Universitario de Covilha (Portugal) e no  Tarptauninis Universitetu Teatru Forumas (Lituania) a nosa compañeira Carmen Tomás recibiu o premio á  interpretación feminina.

 

Publicado en Uncategorized | Deixar un comentario

Final de curso académico. Escola de Teatro

Chegamos á fin da actividade teatral da escola (2017 – 18) e as alumnas de Interpretación 1 e Dirección 1 presentaron os seus traballos finais de curso. As propostas escénicas realizáronse a partir de textos de Castelao, Dieste e García Lorca. Deixámosvos algunhas imaxes.

Publicado en Uncategorized | Deixar un comentario

XIX MOSTRA DE TEATRO UNIVERSITARIO DE GALICIA

Un millar de espectadores asistiron ás diferentes funcións realizadas durante a decimonovena edición da nosa Mostra de Teatro Universitario, que tivo lugar na sala de teatro Roberto Vidal Bolaño e no Teatro Principal.

Parabéns a todas as compañías polos seus traballos!19º-MOSTRA-DE-TEATRO-CARTELweb_02

Publicado en Uncategorized | Deixar un comentario

ENCONTRO con SARABELA TEATRO

O pasado día 27 de febreiro estivo na escola de teatro Fernando Dacosta para debater e comentar coas alumnas de Dirección 1 o último traballo de SARABELA, “O rei morre”, de E. Ionesco. Compartiu con nós o proceso deste traballo e a experiencia xeral da compañía e foi todo un pracer contar coa súa presenza, que todos aproveitamos nunha sesión distendida e enriquecedora na que participaron tamén alumnas de Interpretación.

Publicado en Uncategorized | Deixar un comentario

img_clopeza_20170302-125745_imagenes_lv_otras_fuentes_captura_de_pantalla_2017-03-02_a_las_125433-kGqC-U42465987424U6H-992x558@LaVanguardia-We

Imaxe | Posted on by | Deixar un comentario

XXIV FESTIVAL INTERNACIONAL DE TEATRO UNIVERSITARIO. 19 – 22 FEBREIRO

CARTEL 24º FESTIVAL DE TEATRO DEF

Imaxe | Posted on by | Deixar un comentario

RESACA con IL MAQUINARIO

 

Onte contamos coa xenerosa presenza da compañía IL MAQUINARIO na escola de teatro.

As alumnas e alumnos de Dirección 1 asistiron ás funcións que esta compañía realizou da súa última produción, RESACA, en Pontevedra e A Coruña este último mes, e estivémola analizando nas nosas sesións de traballo. Estrutura, tempo, fragmentación……. E Tito Asorey (director) e Melania Cruz (actriz) regaláronnos unha tarde enteira para comentar, debater e aprender do seu proceso de creación.

Moitas grazas pola súa xenerosidade, a eles e, por extensión, ao resto da compañía.

Un pracer contar con vós na nosa modesta casa.

Publicado en Uncategorized | Deixar un comentario

3º Premio de Artes Escénicas – Programa Xuventude Crea 2017

Onte mércores os compañeiros de 2º de interpretación da escola de teatro foron recoller o 3º premio de artes escénicas do Programa Xuventude Crea 2017. Na foto, Lucía García e José Vera, en representación das demáis compañeiras, reciben o premio de mans de José Manuel Rey, conselleiro de Política Social da Xunta de Galicia, polo seu traballo, “Sonche bicos”.

Publicado en Uncategorized | Deixar un comentario

Estrea de “PASAR POR NIDA” o xoves 30 de novembro no Teatro Principal

CARTEL-NIDA

O próximo xoves 30 de novembro estreamos no Teatro Principal de Santiago de Compostela o último traballo da compañía da nosa Aula de Teatro, Pasar por Nida. A cita é ás 21,00 horas e o despacho de entradas estará aberto desde as 18,00 horas. A entrada é de balde (máximo 2 entradas por persoa)

Publicado en Uncategorized | Deixar un comentario