Módulo I (2017)
Conceptos básicos de dramaturxia e dirección
Datas e horarios:
Todos os luns, do 9 de outubro ao 27 de novembro
Horario presencial: 18,00 – 20,00
Horario de asistencia a ensaios: 20,00 – 21,30
Presentación de proxectos e análise: 11,12 e 13 de decembro
Horario: 18,00 – 21,00
Módulo II (2018)
A posta en escena
Datas e horarios:
Todos os mércores e xoves, do 31 de xaneiro ao 15 de marzo
Horario presencial: 19,40 – 21,40
Módulo III (2018)
Prácticas
Datas e horarios a convir en quenda de mañá ou tarde – mínimo 20 horas – entre o 2 e o 17 de abril
Presentación de proxectos: entre o 23 e o 29 de abril
Nota: Nos módulos II e III unifícanse as aulas coas/os alumnas/os de interpretación, con quen se realizarán as prácticas.
Imparte: Roberto Salgueiro
CONTIDOS
Dirixir unha posta en escena é escribir un discurso teatral mediante unha serie de ferramentas. Coñecer cales son esas ferramentas e entender que as historias (discurso teatral) non teñen porque estar sometidas á linealidade nin á referencia empírica do mundo resulta ser o fundamento básico para construír calquera arquitectura. Porque iso é, en definitiva, unha historia: unha estrutura que só debe responder á coherencia interna do seu mundo. A diferenza da literatura dramática, a posta en escena debe estar argumentada no emprego sólido do traballo do actor así como do espazo onde se constrúe esa historia, que vén determinado pola iluminación, os obxectos físicos, o vestiario, o son … Todo o cal debe ser concibido nunha forma que lle dará o valor estético que definirá a creación teatral.
O traballo do módulo I está dirixido a tratar os conceptos básicos da creación dramatúrxica e a preparar un caderno de traballo da posta en escena dunha peza escollida.
Nos módulos II e III unifícanse as aulas coas/os alumnas/os de interpretación para asistir e comentar o traballo escénico con eles e para realizar, igualmente con eles, as prácticas.
Ao longo do curso asistirase a un mínimo de tres funcións teatrais de compañías profesionais que serán analizadas nas aulas e postas en común cos seus creadores.
Bibliografía básica:
Badiou, Alain. Rapsodia polo teatro, breve tratado filosófico, Sotelo Blanco, 1994
Brook, P. La puerta abierta. Reflexiones sobre la actuación y el teatro, Alba Editorial, 1994
Knébel, Maria O. Poética de la pedagogía teatral, Siglo XXI, 1991
Sánchez, José A. Dramaturgias de la imagen, Universidad de Castilla-La Mancha, 2014
