Os vindeiros luns 19 e martes 20 de decembro a compañía da Aula de Teatro presentará o seu último traballo, correspondente ao curso académico 2016/17, “Cousas que trouxo a chuvia”.
As funcións terán lugar ás 21,00 horas no Salón Teatro de Santiago de Compostela (Rúa Nova, 34) e a entrada é gratuíta, previo paso polo despacho de entradas, aberto desde as 19,00 horas.
As compañías de teatro da USC Pinchacarneiro, pola súa obra L, e Tik-Tak, por Des-enlace, comparten o 2º premio do certame Xuventude Crea na modalidade de teatro.
Moitos parabéns ás compañías, que supón un recoñecemento ao seu traballo constante e ao esforzo que realizan para nos agasallar cos seus excelentes traballos. A continuar!
http://xuventude.xunta.es/uploads/docs/xuventude_crea/2016/TEATRO__2016.pdf
O módulo I de INTERPRETACIÓN 1 (11 de outubro a 21 de decembro) impartirase entre as 20,15 e as 22,15 (sen ningunha outra modificación).
Para matricularse no 1º curso da escola de teatro terán prioridade as persoas que se presenten ás probas de acceso á compañía de teatro da USC (días 19 e 20 de setembro, a partir das 18,30 horas na sala de teatro Roberto Vidal Bolaño) e que non consigan entrar na mesma.
Despois deste proceso e de quedar prazas libres na escola, o criterio de acceso será o de rigorosa orde de inscrición na matrícula, aberta desde o día 26 de setembro. Este día farase público o número de prazas libres que puidesen quedar.
Prezos comunidade universitaria. Itinerarios de dirección (4 prazas) e interpretación (16 prazas)
Prezo de cada MÓDULO: 90 euros
CURSO COMPLETO (3 módulos): 170 euros (1º prazo: 100 / 2º prazo: 70)*
Taxa xeral
Prezo de cada MÓDULO: 120 euros
CURSO COMPLETO (3 módulos): 300 euros (1º prazo: 150 / 2º prazo: 150)*
*1º prazo antes do día 7 de outubro de 2016 / 2º prazo antes do día 11 de xaneiro de 2017
Datas de matrícula
Desde o día 26 de setembro, na Área de Cultura da USC (Colexio de San Xerome, praza do Obradoiro, s/n).
A matrícula no itinerario de interpretación é libre ata cubrir as prazas por rigorosa orde de inscrición.
Para matricularse no itinerario de dirección é necesario inscribirse no lugar de matrícula a antes do día 26 de setembro e realizar unha entrevista que se programará antes do día 6 de outubro, que servirá para escoller o grupo de traballo.
(NOTA. Terán prioridade na matrícula aqueles/as que a fagan polo curso completo)
Espazo
Os cursos desenvolveranse na sala de teatro Roberto Vidal Bolaño (Campus Vida), coa excepción do Módulo I de Interpretación, que se impartirá na sala Luís Cuesta (Residencia Universitaria “Burgo das Nacións”)
O xoves 15 de setembro, ás 18,30h, haberá unha presentación da actividade teatral da USC na sala de teatro Roberto Vidal Bolaño (Campus Vida) onde as persoas asistentes poderán informarse acerca da programación que a Aula de Teatro vai desenvolver este curso académico, ademais de resolver calquera dúbida ou cuestión relativa á mesma.
As persoas interesadas en entrar na compañía de teatro da USC deberán presentarse a unhas probas que se realizarán os días 19 e 20 de setembro, a partir das 18,30 horas na sala de teatro Roberto Vidal Bolaño (Campus Vida). Estas mesmas probas servirán para acceder ao 2º curso da escola de teatro.
A matrícula para o 1º curso da escola de teatro (itinerario de interpretación e dirección) abrirá o día 26 de setembro e o curso comezará o 10 de outubro, rematando o 20 de abril.
O programa de formación e condicións de matrícula será publicado o día 5 de setembro.
O vindeiro mércores día 22 de xuño o Salón Teatro acollerá unha función do último traballo da nosa compañía de teatro, CINZAS, a partir de textos de Rodrigo García, recentemente galardoado no Festival Internacional de Teatro Universitario de Lituania (Vilnius) co premio ao mellor espectáculo e á interpretación femenina (Helena Salgueiro). A función terá lugar ás 21,00 horas, e o despacho de entradas (acceso libre) abrirá ás 19,00 horas.
